Слушањето музика во рамките на музичката настава во средните општообразовни училишта во Република Македонија

  • Aleksandar Trajkovski

Abstract

Средните општообразовни училишта се институции каде што се образува и воспитува популација којашто од аспект на формирање на естетските вредности и музичкиот вкус се наоѓа во својата најчувстителна возраст на средна адолесценција. Според професорот Heiner Gembris, од Институтот за истражување на музичките способности на Универзитетот во Падерборн - Германија, припадниците на оваа возраст (поконкретно -припадниците на возрасната група од 10 до 20 години, бидејќи тој ги користи децениите како основен временски и развоен интервал) се карактеризираат со „...потрага за воспоставување на местото на поединецот во музичката култура“ (Gembris 2002). Во тој период учениците се директно изложени на најразлични (позитивни и негативни) музички влијанија од страна на средината и медиумите, што потоа се одразува и врз формирањето на нивната личност. Имено, тогаш личноста ги гради своите афинитети(меѓу кои и музичките) и го трасира патот на она што подоцна ќе биде предмет на нејзин интерес или посуштински дефинирано - нејзин вкус. А вкусот или, попрецизно - музичкиот вкус, претставува битна компонентана целокупната развиена личност.

References

Витанова, А. Гелевска, С. (2002). Музичка уметност за I година гимназиско образование. Скопје: Еврокулт 2000

Витанова, А. Гелевска, С. (2002). Музичка уметност за II година гимназиско образование. Скопје: Еврокулт 2000

Керамичиева, Р. (2002). Психологија во образованието и воспитанието. Скопје: Просветно дело

Коларовска - Гмирја, В. (2004). Музичко примање и слушање музика. интерна скрипта од предавање (во ракопис). ФМУ/УКИМ

Колев, В. (2003). Едукација за слушање уметничка музика во воспитно - образовниот процес. Штип

Наставен план и програма по музичка уметност - задолжителни изборни програми и содржини за I година. БРО, 2001

Наставен план и програма - задолжителни изборни програми и содржини за II година. БРО, 2002

Наставен план и програма - изборен предмет за III година. БРО, 2003

Наставен план и програма - изборен предмет за IV година. БРО, 2003

http://kw.uni-paderborn.de/institute-einrichtungen/ibfm

Програма за реформираното гимназиско образование, 2003

Published
2013-04-16