Кога станува збор за методските аспекти на ората мора да се нагласи дека дел од авторите кои пишуваат за ова проблематика како терминологија за означување на движењата ја користат терминологијата која ја сретнале при своите теренски истражувања, додека останатиот дел од авторите создаваат своја методика која се темели на стилските карактеристики при движењето на играчите. На вакви подвизи се насочуваат авторите: Димовски, Пајтонџиев и Јаневски кои први во Македонија поставуваат методика за анализирање на играорните обрасци (Димовски, 1977; Пајтонџиев, 1977; Јаневски, 2009).
