ЕВОЛУЦИЈАТА НА САМООПРЕДЕЛУВАЊЕТО - ОД ОСЛОБОДУВАЊЕ ОД НАДВОРЕШНА ДОМИНАЦИЈА ДО ВНАТРЕШНА ПОЛИТИЧКА ИНКЛУЗИЈА

Abstract

Овој труд го анализира самоопределувањето од неговите политичко-идеолошки формулациите од страна на Ленин и Вилсон, до неговиот развој во едно од основните начела и потоа како право, во рамки на системот на Обединетите нации. Авторот ги анализира релевантните меѓународни стандарди и добри практики во областа на самоопределувањето, како и научната литература и ставовите на релевантни автори со цел идентификација и критички осврт на главните толкувања и современите аспекти на самоопределувањето, со посебен фокус на неговата внатрешна димензија. Трудот ја испитува тезата дека поделбата на моќта претставува значаен институционален механизам за трансформација на самоопределувањето од принцип на ослободување од надворешна доминација во концепт на внатрешна политичка инклузија. Во таа насока, тој го разгледува прашањето како механизмите на поделба на моќта придонесуваат кон реализацијата на внатрешното самоопределување во мултикултурните и поделени општества. Преку релевантни меѓународни документи и компаративни примери на деволуција на власта се анализира како различните институционални модели придонесуваат во креирањето на системи на власт кои би обезбедиле ефективно учество на заедниците и групите во политичкиот и општествениот живот, како предуслов за мир и стабилност во мултиетничките и мултикултурните и културните општества. Заклучокот укажува дека внатрешното самоопределување претставува еволутивен пристап кој настојува да ја усогласи потребата за зачувување на територијалниот интегритет на државите со барањата за демократска партиципација и заштита на различностите, со што се намалува ризикот од сецесија и можни етнички конфликти.