ФРАНШИЗАТА КАКО МЕЃУНАРОДНА МАРКЕТИНГ СТРАТЕГИЈА И НЕЈЗИНАТА ЗАСТАПЕНОСТ НА МАКЕДОНСКИОТ ПАЗАР

Abstract

Франшизата претставува привилегија или дозволено право, кога поединци или групи користат одреден вид на комерцијални активности. Тоа подразбира купување на правото за користење на конкретен заштитен знак (трејдмарк) или бизнис концепт. Примената на франшизата во светски рамки е голема, односно голем број компании под исто име, односно како еден бизнис, се шират низ целиот свет. Преку франшизата едно претпријатие успева својата успешна приказна да ја пренесе низ повеќе места во светот. Континуираниот однос помеѓу двете страни има големо влијание врз успешноста на франшизингот како форма на соработка. На франшизингот може да се гледа како можност да се започне нов бизнис, во земјата или странство. Овој научен труд обрнува внимание на франшизата како можност на претпријатијата да настапат на странските пазар, односно каква е состојбата на македонскиот пазар од аспект на франшизинг договорите. Ќе се спомене за тоа колку од светските брендови се застапени на нашиот пазар преку франшизинг договори и дали тие истрајуваат подолг период.