КОМПОНЕНТИ НА ОПЕРАТИВНО НИВО НА МЕНАЏМЕНТ

Abstract

Менаџментот со човечките ресурси е стратешки и кохерентен пристап кон
раководењето со највредните ресурси во една организација - луѓето кои работат таму и кои
индивидуално и колективно придонесуваат за остварување на организациските цели. Менаџирајќи
со човечките ресурси, се прават збир на операции кои се синтетизираат на многу видлив и кохерентен
начин. Се создаваат неколку менаџерски системи составени од филозофии, политики, стратегии
и процеси за човечките ресурси. Управувањето со човечкиот фактор подразбира и неформални
приоди и позитивни практики, кои можат да се согледаат преку анализирање на работниот процес,
изготвување на планови за пополнување на работните позиции, процес на регрутирање, селекција и
избор на нововработени, како и нивна понатамошна обука и професионален развој. Со дефинирана
визија и мисија, започнува создавање на организациската стратегија. Во неа се дефинираат сите
потребни ресурси со кои ќе се реализираат организациските цели. Во понатамошното менаџирање
во организацијата, преку спецификација на работните задачи за секоја работна позиција се започнува
процесот на извршување на зацртаните работни активности, врз база на одредени организациски
системи и процедури.