ПРАВНИТЕ ЛИЦА ВО ДОГОВОРОТ ЗА ДОЖИВОТНА ИЗДРШКА – КОМПАРАТИВНА АНАЛИЗА

Abstract

Целта на овој труд е да се истражи можноста правни лица да се јавуваат како даватели на издршка во рамки на договорот за доживотна издршка, преку анализа на правните решенија во повеќе европски правни системи. Истражувањето се заснова на компаративна анализа на релевантните законодавства, со посебен фокус на Србија, Хрватска, Швајцарија, Унгарија и Франција. Преку анализа на позитивното право, судска пракса и понови законски реформи, трудот идентификува отсуство на јасна и хармонизирана регулатива за учество на правни лица, што создава ризици од правна несигурност и можни злоупотреби. Во услови на стареење на населението и зголемена улога на институционалната грижа, трудот ја препознава потребата од воспоставување прецизна правна рамка која ќе утврди кои правни лица можат да бидат даватели на издршка, под кои услови, и со какви гаранции за заштита на старите лица, со цел да се обезбеди правна сигурност, транспарентност и достоинствен третман на примателите на издршката.
Клучни зборови: договор за доживотна издршка, правни лица, компаративна анализа, правна сигурност.