Улогата на семејството, наставникот по музичко образование и учебникот во откривање и поттикнување на музички талентирани ученици
Abstract
Музиката преку своите изразни средства силно влијае врз развојните способности на детето уште од најмала возраст. Педагозите, психолозите и музичарите чии истражувања се поврзани со музичката надареност на учениците често ги користат термините: музикалност, музички способности, музички талент.
Под музикалност најчесто се подразбира способност за реагирање на музиката, чувство за естетска и афективна вредност на музиката, како и способност за разбирање, доживување и вреднување на музиката (Požgaj,ј, 1988). Музикалноста како и останатите физички и психички својства кај сите деца не се развива подеднакво.