Султани поети од XVI век и нивната поезија
Abstract
Поголемиот дел од султаните на Османската империја пишувале поезија. Не само што биле вљубеници на диванската поезија, туку и твореле стихови по нејзиниот терк и зад себе оставиле сведоштво за шествековно супериорно владеење кое во голем дел й се поклонувало на уметноста и на поезијата.
Страниците што следат претставуваат портрет на владеењето и поетскиот опус на неколку султани поети од XVI век и даваат аналитички осврт на нивните стихови доловувајќи го местото на пиедесталот кое го здобиле со бесмртноста на секој нивен збор и мисла преточени во поезија.
