ПОДГОТВУВАЊЕ, ПРЕЗЕНТАЦИЈА И АНАЛИЗА НА БИЛАНСОТ НА СОСТОЈБА

Abstract

Остварувањето на основните финансиски функции во една компанија се базираат
врз податоците од нејзините финансиски извештаи. Финансиските извештаи на една компанија
можат да бидат многу сложени, факт кој дополнително го истакнува значењето на финансиската
анализа, преку која сложените податоци од финансиските извештаи се сведуваат на разбирливи
показатели за нивните корисници – стејкхолдери.
Билансот на состојба претставува дел од задолжителниот сет на финансиски извештаи кои се
изготвуваат од страна на секој деловен субјект, на крајот на секој пресметковен период. Значењето
на овој финансиски извештај е големо во ефикасното менаџирање со компаниите.
Целта на овој труд е да се објасни изготвувањето и значењето на Билснсот на состојба, како
дел од сетот на финансиски извештаи кои ги изготвуваат деловните субјекти, преку обработка на
поимот, формите во кои се составува, содржината и обработка на финансиските показатели кои се
пресметуваат со користење на билансните позиции од овој извештај.