ЗНАЧЕЊЕТО НА ТУРИСТИЧКИTE АГЕНЦИИ ЗА РАЗВОЈ НА МАКЕДОНИЈА КАКО АТРАКТИВНА ТУРИСТИЧКА ДЕСТИНАЦИЈА

Abstract

Трудот има за цел да го истакне значењето и улогата која во туризмот ја имаат туристичките агенции како посебни учесници и субјекти, со посебен акцент на рецептивните туристички агенции и нивното значење во туризмот на една земја како туистичка дестинација. Како најголема индустрија во светското стопанство, улогата на туристичките агенции се гледа во потребата од професионална помош организацијата на едно патување и посредништвото помеѓу оние кои нудат туристички услуги и оние кои истите ги користат. Посебно се потенцира во трудот улогата на рецептивните туристички агенции и нивните активности во процесот на привлекување на странски туристи, промовирањето на една земја на странскиот пазар преку презентирањето на домашните убавини и со самото тоа развојот на туризмот во Македонија. Нивната појава, развој, а во исто време и афирмација на сопствената земја како туристичка дестинација, преку учества на странскиот туристички пазар, секако со помош и соработка со државните органи од областа на туризмот, е значајна и неопходна за развојот на туризмот, како значајна гранка на стопанството со значителен приход на домашниот буџет, посебно за една мала земја како Република Македонија.

Клучни зборови: туризам, туристички агенции, патување, туристичка дестинација