ДИГИТАЛИЗАЦИЈАТА НА ЛОГИСТИЧКИТЕ АКТИВНОСТИ – ПЕРСПЕКТИВИ НА РЕПУБЛИКА СЕВЕРНА МАКЕДОНИЈА

Abstract

Логистиката гледано како индустрија или како сет од активности има огромно значење во фунционирањето на едно стопанство. Од витално значење е движењето на производот од производителот до крајниот потрошувач, а тоа го остварува единствено логистиката преку збирот на повеќе активности. Секоја од нив допринесува и ја зголемува вредноста која се испорачува на крајниот потрошувач, а притоа влијае на степенот на задоволни потрошувачи. Модерната логистика подразбира употреба на секоја техничко-технолошка иновација во оваа насока како и дигитализација на секој од процесите, што ќе резултира со заштеда во трошоците, испорачување на производи со поголема сигурност и ефикасност, поголеми профити за организациите. Потребата од дигитализацијата во развиените земји е дел од секојдневието и се наметнува како потреба, додека кај земјите во развој овој процес е сеуште на почеток. Република Северна Македонија како една од земјите во развој не котира високо во категоризацијата на дигитализирана логистичка индустрија. Следејќи ја светската пракса, земјата треба да усвои голем дел од дигитализираните решенија за да може да обезбеди подобра логистичка инфраструктура како и индустрија.