СЕКОЈДНЕВНОТО КОРИСТЕЊЕ НА ТРАДИЦИОНАЛНИТЕ НОСИИ ВО УГОСТИТЕЛСКИТЕ ОБЈЕКТИ КАКО ЕДНА РАЗВОЈНА ТОЧКА ЗА УСОВРШУВАЊЕ НА ТУРИЗМОТ ВО ДОЈРАНСКИОТ РЕГИОН

Abstract

Се смета дека традиционалните носии се етнички симбол на секоја етничка заедница и носители на корењата на еден народ. Преку сложените културно- историски и етнички процеси на Балканот, кај македонските народни носии се користени многу елементи, зависно од нивнатата материјална и социјална положба и со користењето на истите тие и припаѓаат на балканската култура, а некои елементи ја покажуваат и средноземноморската и југоисточната култура.

Исто така значаен фактор во развивањето и креирањето на традиционалните народни носии имала и ориенталната култура која била предизвикана од владеењето на Осмалинските Турци. Разните влијание и струењето на повеќето култури допринело за развојот на голем број традиционални носии, да го одбележат и оформат кодот на секоја етничка заедница која и припаѓа на македонското тло.

Како еден од основните факти за постоењето на разните етнички заедници се традиционалните носии, кои во денешно време се заштитени во историските музеи ширум земјава и со тоа ни помагаат за момент да влеземе во минатото на нашите предци и да допреме до нивниот богат живот кој го воделе. Користењето на волната како основен материјал во изработката на традиционалните носии го покажува и моментот на богатата култура на населението кое живеело во тоа време.