АНКСИОЗНОСТА КАЈ УЧЕНИЦИТЕ ПРИ ИЗУЧУВАЊЕТО НА СТРАНСКИ ЈАЗИК

Abstract

Голем број истражувања сугерираат дека анксиозноста има голем ефект
врз стекнувањето на втор јазик. Од средината на осумдесеттите години на минатиот век
има значителен број на истражувања кои даваат докази за третирање на аксиозноста
како концептуално специфична за контекстот на стекнување јазик. Идентификацијата
на анксиозноста при учење јазик привлекува големо внимание на истражувачите.
Различните манифестации кај учениците според однесувањето поврзано со анксиозност
покажуваат некои симптоми кои сугерираат дека јазичната анксиозност има силно
влијание врз искуството на учење на јазик. Научниците за втор јазик идентификувале
широк спектар на фактори кои се поврзани со јазичната анксиозност. Тие тврдат дека
анксиозните реакции се предизвикани од реални тешкотии кои произлегуваат од
суптилни когнитивни операции кога студентите обработуваат јазик.