ФИНАНСИСКАТА ОСНОВА НА ЗДРАВСТВЕНИОТ СИСТЕМ ВО РЕПУБЛИКА МАКЕДОНИЈА

Abstract

Во овој труд се анализира начинот на финансирањe на здравствениот систем во Република Македонија, неговата организираност, начинот на функционирање на одделни сегменти во здравството и постоечките модели на здравствено осигурување. За потребите на овој труд, направена е емпириска анализа на здравствените системи во некои земји од Европската Унија, како што се: Хрватска и Австрија, направена е споредба, утврдени се сличностите и различноста. Според направената анализа, има доста сличности во здравствените системи нa пoсочените земји, како што се: организираноста, начинот на плаќање за здравствените услуги и собирањето средства за финансирање.