КОНВЕНЦИЈАТА ЗА ПРВАТА НА ЛИЦАТА СО ХЕНДИКЕП КАКО АНТИДИСКРИМИНАЦИСКИ ИНСТРУМЕНТ

Abstract

Во изминативе неколку декади, Организацијата на
обединетите нации посвети значително внимание на правата на лицата
со хендикеп креирајќи екстензивна правно-необврзувачка рамка.
Конвенцијата за правата на лицата со хендикеп усвоена во 2006 година
е осмиот универзален правно-обврзувачки инструмент за правата на
човекот, првиот во новиот век, кој претставува и официјално признавање
на хендикепот како прашање на човековите права во меѓународната сфера.
Трудот ја анализира Конвенцијата за правата на лицата со хендикеп,
нејзината хибридна природа, структура и суштина истакнувајќи ги
новелите во начинот на изработката на меѓународните инструменти за
правта на човекот, посебно член 33 со кој се предвидува обврската на
државите-членки за формирање или назначување на национален механизам
за набљудување на спроведувањето на Конвенцијата. Дополнителна
вредност е што овој труд ги анализира одредбите на Конвенцијата од
аспект на заштитата од дискриминацијата, притоа отсликувајќи го овој
меѓународен инструмент како антидискриминациски.
Клучни зборови: антидискриминација, меѓународна конвенција, Организација на обединети нации, хендикеп