ОСВРТ НА ПРОЕКТОТ “СПАС НА ДОЈРАНСКОТО ЕЗЕРО”

Abstract

Фокусот на овој труд е насочен кон активностите преземени со цел превенирање на еколошка катастрофа која се закануваше на Дојранското Езеро. После 1985 година, како резултат на неконтролираното испуштање вода, подолготрајните суши и преголемото испарување, количеството вода во Дојранското Езеро се намалуваше. Соочена со еколошки проблем од поголеми размери, Владата на Република Македонија покрена иницијатива “Спас на Дојранското Езеро”.

Цел на истражувањето е да го презентира начинот кој се презеде за доведување дополнителни количини вода, преку хидросистем чија изградбазапочна во 2001 година, а првите количини вода се испумпаа во 2003 година. Токму затоа, разгледуваниот период е 2001 – 2005. Од таа причина, предмет на истражување беа податоците за нивото на водата во Дојранското Езеро пред започнување со работа на хидросистемот, и после.

Врз основа на спроведената анализа на податоците за движењето на нивото на водата во Дојранското Езеро за периодот 2001 – 2005, може да се констатира дека состојбата со количеството вода е подобрена. Сепак, не може со сигурност да се заклучи дека испумпувањето на дополнителна количина вода во Дојранското Езеро е единствената причина за покачување на нивото на водата. Секако дека кон подобрување на состојбата придонесоа и пообилните врнежи.