УЛОГАТА НА МАЛИТЕ ПРЕТПРИЈАТИЈА ВО РАЗВОЈОТ НА ТУРИЗМОТ ВО ДОЈРАНСКИОТ РЕГИОН

Abstract

Подрачјето на малите и средни претпријатија а посебно подрачјето на т.н.мал сектор е предмет на постојано изучување и истражување. Секторот на мали претпријатија во светски рамки има значајна улога во развојот на секоја национална економија. Малите претпријатија претставуваат важен сегмент во вкупната економска активност. Тоа е оној сегмент кој постојано ги менува работите, ги движи и развива. Појавата и развојот на малите претпријатија во изминатите дваесетина години е тесно поврзана со изразените економско-развојни димензии и демократските општествени процеси. Малите претпријатија, претприемништвото и претприемачите се основа на современото пазарно стопанство. Развиените пазарни односи, промените во начинот на економско размислување, преземањето на иницијатива и развојот на претприемништвото придонесуваат за промена на односите во националната економија и локалната заедница. Малите претпријатија стануваат клучен фактор од аспект на создавањето на поголеми можности за сопствениците на истите и подобрување на состојбата во локалната, регионалната заедница и пошироко. Тие се носители на економскиот развој и се поврзуваат со претприемништвото и претприемничката иницијатива.