МОТИВАЦИЈАТА КАКО КЛУЧЕН ФАКТОР ЗА ИЗУЧУВАЊЕ НА ГЕРМАНСКИОТ ЈАЗИК КАЈ УЧЕНИЦИТЕ ОД СРЕДНО ГИМНАЗИСКО ОБРАЗОВАНИЕ

Abstract

Теоријата на мотивацијата има една долга традиција пред сè со мноштво
од најразлични тенденции карактеристични за своето време. Нејзините почетоци се присутни
уште во Антиката преку старогрчкиот филозоф Епикур (314 – 270 год. пр.н.е) и неговиот
хедонизам чија цел е достигнување среќен и мирен живот кој би се одликувал со душевна
непоматеност, ослободеност од страв и отсуство на болка, а кулминацијата ја достигнува со
појавата на хуманистичката психологија и Адам Маслов (1908 –1970), преку неговата теза на
поставување приоритети и самоактуализација. Мотивацијата и до ден денес е присутна во
секоја сфера на човековото дејствување, па и во наставата по странски јазик. Немотивираноста
го попречува остварувањето на конкретни цели, па оттука наш предмет на истражување е
токму присуството на мотивацијата кај учениците од средното гимназиско образование за
изучување на германскиот јазик. Истражувањето ќе се врши преку претходно подготвен
прашалник за учениците, а неговите резултати ќе се пласираат токму во овој труд, со надеж
дека истите ќе можат да се интегрираат и во наставата со цел полесно усвојување на странските
јазици.