МОТИВИРАЊЕ НА ВРАБОТЕНИТЕ И НИВНО ЗАДРЖУВАЊЕ НА РАБОТНИТЕ МЕСТА

Abstract

На вработените им е потребна мотивација да се чувствуваат добро во врска со нивната работа и да работат оптимално. Некои вработени се парично мотивирани, додека други се мотивирани од признанија и награди. Вработените кои се добро мотивирани ги извршуваат своите работни задачи давајќи го надоброто од себе, а со тоа придонесуваат и за подобри резултати на компанијата. Мотивацијата е еден од главните проблеми на лидерите и менаџерите. Затоа менаџерите треба добро да ги познаваат методите и техниките на мотивацијата во претпријатијата. Во тој поглед, менаџерите треба добро да ги познаваат своите вработени и да се запознаат со нивните потреби и задоволства, доколку им ја анализираат нивната психологија можат да придонесат до позитивно издвојување на претпријатието од останатите конкурентни компании. Во овој труд се изнесува улогата на мотивацијата за подобрување на ангажираноста, перформансите и продуктивноста кај вработените што придонесува и до подобрување на претпријатието на повисок степен.