ПОЗНАВАЊЕТО НА ПОТРОШУВАЧИТЕ КАКО КЛУЧЕН ЧЕКОР ВО ФОРМУЛИРАЊЕ НА МАРКЕТИНГ СТРАТЕГИЈА

Abstract

Доброто познавање на однесувањето на потрошувачите е непобитен
фактор за градење на успешна маркетинг стратегија. Разбирањето на
нивните барања и перципирани вредности се смета за едно од најсложените
прашања во теоретските концепции на маркетингот, а основната причина
за ваквиот третман лежи во индивидуалноста на секој потрошувач во
процесот на купување.
Најсоодветен пристап за осознавањето на однесувањето на
потрошувачите е проучувањетo на: индивидуи, групи или организации,
како и процесот во кој тие избираат, обезбедуваат и располагаат со
производи, услуги, искуства или идеи за да ги задоволат потребите, како и
влијанието кое овој процес го има врз потрошувачот и општеството. Овде
се комбинирани елементи од психологијата, социологијата, социјалната
антропологија и економијата.
Поради неопходноста за разбирање на потрошувачите, во овој труд
се анализирани сите фактори кои имаат влијание врз нивното однесување
во процесот на купување. Оваа анализа е клучен чекор во процесот на
формулирање маркетинг стратегија, бидејќи секоја маркетинг стратегија
која ги зема предвид овие фактори ги антиципира идните промени кај
однесувањето на потрошувачите и го приспсобува маркетинг миксот во
согласност со овие промени, ќе биде успешна.