УЛОГА НА ЛИДЕРОТ ВО ЗДРАВСТВЕНАТА ДЕЈНОСТ ЗА ПОДОБРУВАЊЕ НА КВАЛИТЕТОТ НА ЗДРАВСТВЕНИТЕ УСЛУГИ

Abstract

Примената на феноменот лидерство во здравствениот сектор е од посебен јавен интерес и основната цел е да обезбеди здравствен систем кој е квалитетен, достапен, сигурен, ефикасен и модерен. Проучување на феноменот лидерство и неговата примена во здравството датира од релативно понов датум што ја одредува актуелноста на оваа проблематика. Реформите во здравствениот систем е феномен на 90-тите години на XX тиот век, додека ерата и воведување на современи пристапи на лидерството во оваа област на домашен терен допрва претстои. Разгледувајќи ја „експлозијата“ на литература и истражувања поврзани со оваа теорија, стилови, пристапи на лидерството, релативно мал број од наведеното се однесува на примената во здравството, што во најголема мера е последица на специфичните карактеристики на здравствената дејност, корисниците на нејзините услуги, како и здравствените професионалци. Научната цел на оваа работа е да се поучи, согледа и примени процесот на лидерство во здравствениот сектор.